游水練全身肌肉？
水的阻力的確能夠達到阻力訓練嘅效果，不過因應泳式不同所鍛鍊嘅部位都大有不同。對比重量訓練，游水並不能針對特定肌群去做個別訓練及無法以大重量去刺激肌肉，游水雖然有阻力訓練嘅效果但對鍛練全身肌肉並不全面。
以游水作為阻力訓練會有一個問題，因為游水嘅技巧所追求嘅係以最少嘅阻力係水中前進。如果要好用力咁打水前進，從競賽嘅觀點嚟講並唔係一個正確嘅事。即係話「泳技越好，需要抵抗阻力的肌力越少。」而大部份泳手都會進行重量訓練，佢哋進行重量訓練多數都係因為想提高游水時表現而唔係靠游水代替埋重量訓練，所以想藉游水鍛鍊肌肉似乎有啲自相矛盾。
游水都對重量訓練有幫助，如果你時間充裕，建議你將游水合併重量訓練，做完重訓之後游15～30分鐘。訓練後游對你重量訓練後身體緊張嘅肌肉有伸拉放鬆效果，更加可以訓練埋有氧能力令心肺功能同有氧代謝表現更好。
圖/文 ：Hugo
#kofgym #strength #肌肉 #力量 #游水 #健身室 #有氧運動 #提升肌力 #有氧代謝 #gymhk #hkgym #重量訓練
Search